ریاض/ صنعاء (نوائے وقت رپورٹ+اے ایف پی+آئی این پی) سعودی عرب کا فوجی ہیلی کاپٹر یمن میں گر کر تباہ ہوگیا۔ سعودی خبر ایجنسی کے مطابق حادثے میں 4 افسروں سمیت 12 اہلکار جاں بحق ہوگئے۔ مشرقی علاقے میں طیارہ گرنے کی اطلاعات ہیں۔ ایس پی اے نیوز ایجنسی نے مزید تفصیلات جاری نہیں کیں۔ ترجمان جنرل احمد العسیری نے غیرملکی خبررساں ایجنسی کو بتایا بلیک ہاک ہیلی کاپٹر آپریشن کے دوران مشرقی صوبے مآرب میں گرا، تباہ ہونے کی وجوہ پر تبصرہ قبل از وقت ہو گا۔ ادھر حوثی باغیوں کے زیرکنٹرول صباح نیوز ایجنسی نے بھی ہیلی کاپٹر تباہی کی تصدیق کی لیکن مزید تفصیلات سے آگاہ نہیں کیا۔ ادھر امریکی ڈرون حملے میں القاعدہ کے متعدد دہشت گرد مارے گئے۔