لندن (سپورٹس ڈیسک) سابق انگلش بلے باز ایڈ سمتھ کو انگلینڈ اینڈ ویلز کرکٹ بورڈ کی طرف سے نیا چیف سلیکٹر بنانے جانے کا امکان ہے ۔انگلش ٹیم کے سابق کوچ اینڈی فلاور بھی اس دوڑ میں شامل ہیں ۔ سمتھ نے 2008ء میں انٹر نیشنل کرکٹ سے ریٹائرمنٹ کا اعلان کر دیاتھا اور وہ جیمز وائی ٹیکر کی جگہ انگلینڈ کے نئے سلیکٹر بننے کے مضبوط ترین امیدوا رہ ہیں۔
وائی ٹیکر نے گزشتہ ماہ عہدے سے مستعفی ہونے کا اعلان کیا تھا وہ پانچ برس تک انگلینڈ کے سلیکٹر رہے ۔ ای سی بی کے مطابق نیشنل سلیکٹرکیلئے سمتھ ‘اینڈی فلاور سمیت مایکل سلوے اورڈیرک پرنگل سے انٹر ویوز لئے گئے ۔ رواں ہفتے باضابطہ طورپر نئے سلیکٹر کا اعلان کر دیا جائے گا۔نیشنل سلیکٹر کی تقرری کے بعد نئے آزادانہ سلیکٹر کا چنائو کرے گا۔ اینڈی فلاور 2009ء سے 2014ء تک بطور کوچ انگلش ٹیم کے ساتھ کام کر چکے ہیں ۔