لاہور (نمائندہ سپورٹس) قومی ٹیم سائوتھ ایشین سینئر جوڈو چیمپئن شپ میں شرکت کیلئے آج نیپال روانہ ہو گی ۔ پاکستان جوڈو فیڈریشن کے نائب صدر اور میڈیا ڈائریکٹر مسعود احمد خان نے بتایا کہ چیمپئن شپ آج سے چوبیس اپریل تک کھٹمنڈو میں کھیلی جائے گی ۔ ایونٹ کی تیاری کیلئے کھلاڑیوں کا تربیتی کیمپ پاکستان سپورٹس کمپلیکس اسلام آباد میں لگایا گیا ۔
تربیتی کیمپ میں ستائیس مرد اور خواتین کھلاڑیون نے تربیت حاصل کی ۔ کھلاڑیوں کو کوچز نے جدید اور اعلیٰ معیار کی تربیت دی ۔ امید ہے کہ اس ٹریننگ کے بعد کھلاڑی اچھے نتائج دیں گے ۔