ورلڈکپ ،منتخب قومی کر کٹ ٹیم آج وزیر اعظم سے ملاقات کریگی

لاہور (سپورٹس رپورٹر+نمائندہ سپورٹس)ورلڈکپ 2019کیلئے منتخب قومی کر کٹ ٹیم آج پی سی بی کے پیٹرن انچیف وزیر اعظم عمران خان سے ملاقات کرے گی۔ذرائع کے مطابق انگلینڈ جانے والے کھلاڑی آج جمعرات کی سہ پہر اسلام آباد روانہ ہوں گے جہاں جمعہ کو وزیر اعظم ہاوس میں ہونے والی اسینڈ آف تقریب کے لیے پی سی بی حکام نے تمام معاملات کو حتمی شکل دے دی ہے۔انیس سو بانوے ورلڈکپ کی فاتح ٹیم کے کپتان وزیر اعظم عمران خان قومی کرکٹرز سے خصوصی خطاب کریں گے ، اس ملاقات کا مقصد کھلاڑیوں کو ورلڈکپ کی اہمیت سے آگاہی کے ساتھ ان کے اعتماد میں اضافہ کرنا ہے۔ قومی ٹیم کی 23 اپریل کو لندن روانگی طے ہے۔