’’اجالا ویلفیئر‘‘کے تحت اسکولوں میں تقریب تقسیم انعامات

کراچی (نیوزرپورٹر)اجالا ویلفیئر کے زیر اہتمام چلنے والے قائد اجالا، نصرت اجالا اور میمن اجالا اسکول میں سالانہ تقریب تقسیم انعامات کی تقریب منعقد ہوئی جس میں بچوں کے سالانہ نتائج کا اعلان کیا گیا اور پہلی, دوسری اور تیسری پوزیشن حاصل کرنے والے بچوں کو ٹرافی دی گئی اس موقع پر تقریب کے مہمان خصوصی محمد اخلاق، سندھ اولمپیک ایسوسی ایشن کے نائب صدر انجینئر محفوظ الحق اور انور بھٹی، کاشف احمد فاروقی اور  شہزادہ معین بھی موجود تھے  اسکول پرنسپل مس زاہدہ ساجد کا کہنا تھا کہ پورے سال بچے محنت کرتے ہیں اور اس دن کا انہیں انتظار رہتا ہے. اچھی تعلیمات کا حصول تمام بچوں کا بنیادی حق ہے یہی بچے باشعور شہری بن کر پاکستان کا نام روشن کریں گے تقریب میں بچے اچھے سالانہ نتائج حاصل کرنے  پر  کافی خوش نظر آرہے تھے۔