قصور (نمائندہ نوائے وقت) سٹیل باغ چوک میں پولیس مقابلہ، ڈکیتی کر کے فرار ہونے والا ایک ڈاکو ہلاک جبکہ درجنوں وارداتوں میں مطلوب ساتھی ڈاکو گرفتار کر لیا گیا۔ تفصیلات کے مطابق موٹر سائیکل سوار دو ڈاکوئوں نے تھانہ اے ڈویژن کے علاقہ شہباز روڈ سے جاوید سے ڈکیتی کے بعد بھٹہ چوک سے عمر فاروق سے ہزاروں روپے نقدی، موبائل، قیمتی سامان چھین لیا۔ اطلاع پولیس ہیلپ لائن 15 دی گئی۔ محافظ فورس کے جوانوں نے تعاقب کیا تو سٹیل باغ چوک میں پولیس اور ڈاکوؤں کا آمنا سامنا ہو گیا۔ دونوں طرف سے  فائرنگ کا تبادلے میں شہباز نامی ایک ڈاکو موقع پر ہلاک ہوگیا جبکہ دوسرے ڈاکو شہزاد سجادکو گرفتار کر لیا گیا۔ گرفتار ڈاکو نے اپنا نام شہزاد سکنہ ساندہ لاہور بتایا ہے جو کہ لاہور پولیس کو چھتیس وارداتوں میں مطلوب ہے۔ جبکہ ہلاک ڈاکو دروغہ والا لاہور کا ریکارڈ یافتہ اور وارداتوں میں پولیس کو مطلوب تھا۔