بیجنگ(شِنہوا)چین کے صدر شی جن پھنگ نے طوفان سے ہونیوالے نقصانات پر اپنے فلپائنی  ہم منصب روڈریگو دوٹیرٹے کو اظہار ہمدردی کا پیغام ارسال کیا ہے۔شی  نے اپنے پیغام میں کہا کہ انہیں طوفان کے باعث فلپائن میں جانی و مالی نقصان سے متعلق جان کر شدید دکھ ہوا، مزید کہا کہ وہ چینی حکومت، عوام  اور اپنی طرف سے متاثرہ افراد سے گہری تعزیت، زخمی افراد اور متاثرہ خاندانوں سے ہمدردی کا اظہار کرتے ہیں۔انہوں نے کہا کہ چین اپنی استطاعت کے مطابق فلپائن کو ہر ممکن امداد فراہم کرنے کیلئے تیارہے۔شی نے کہا کہ انہیں یقین ہے کہ صدر روڈریگو دوٹیرٹے کی قیادت میں فلپائنی حکومت اور متاثرہ علاقوں کے عوام  اس آفت پر قابو پانے اور اپنیگھر دوبارہ تعمیر کرنے میں کامیاب ہو جائینگے۔