لاہور(سپورٹس رپورٹر)بھارتی  کرکٹ ٹیم کے کپتان روہت شرما نے پاکستان‘ بھارت ٹیسٹ سیریز کی خواہش ظاہر کرتے ہوئے کہا ہے کہ پاکستان اور بھارت کے درمیان ٹیسٹ میچز بہت شاندار ہوں گے۔ مائیکل وان سے گفتگو کرتے ہوئے کہا کہ پاکستان ایک زبردست ٹیم ہے، پاکستان کی بولنگ بہت زبردست ہے۔ پاکستان اور بھارت کے درمیان تگڑا مقابلہ ہوگا خاص طور پر اگر یہ باہر کی کنڈیشن میں ہو، میں پاکستان اور بھارت کے درمیان باضابطہ سیریز کے حق میں ہوں۔ میری رائے خالص کرکٹ پر مبنی ہے اس کے علاوہ کچھ نہیں، پاکستان بھارت مقابلہ بیٹ اور بال کا اچھا مقابلہ ہوگا۔