پاکستان ‘نیوزی لینڈ کا پہلا ٹی ٹونٹی بارش کی نذر‘دوسرا مقابلہ کل ہوگا

لاہور(سپورٹس رپورٹر)نیوزی لینڈ اور پاکستان کے درمیان 5 میچز کی سیریز کا پہلا ٹی ٹونٹی میچ بارش کے باعث ختم کر دیا گیا۔راولپنڈی میں کھیلے گئے میچ میں بارش کے باعث پہلے ٹاس آدھا گھنٹہ تاخیر کا شکار ہوا، تاہم آؤٹ فیلڈ سوکھنے کے بعد نیوزی لینڈ کے کپتان مائیکل بریسویل نے ٹاس جیت کر پہلے بیٹنگ کرنے کا فیصلہ کیا۔ٹاس کے بعد بارش ایک بار پھر شروع ہوگئی اور کیویز کی بیٹنگ تاخیر کا شکار ہوئی۔ بارش رکنے کے بعد میچ 5 اوورز فی اننگز تک محدود کیا گیا لیکن نیوزی لینڈ کی اننگز کی 2 گیندوں کے بعد دوبارہ بارش شروع ہوگئی جس کے باعث میچ ختم کردیا گیا۔نیوزی لینڈ کی ٹیم ایک وکٹ پر صرف2 رنز بناسکی ۔ پاکستان کی جانب سے ابراراحمد ، عرفان نیازی اور عثمان خان  ٹی ٹونٹی ڈیبیو کیا۔