آغا سید حامد علی موسوی النجفی کی ہدایت پر یوم جنت البقیع منایا گیا،پاک فوج سے اظہار یکجہتی

لاہور (خصوصی نامہ نگار) آغا سید حامد علی موسوی النجفی کی ہدایت پر یوم جنت البقیع منایا گیا۔ لاہور میں امامبارگاہ مسافر خانہ دربار عالیہ بی بی پاک دامن سے تحریک نفاذ فقہ جعفریہ سپریم کونسل کے رکن علامہ شبیہ الحسن کاظمی، سید حسن کاظمی، ریجنل صدر سید ذوالفقار حیدر نقوی، سید تبیان زیدی، سید عمران حیدر نقوی، سید سرمد نقوی، سید ناصر بخاری، سید ذکی حسین نقوی ، یاسر عمار، طارق جعفری، عدنان بھٹی،سید عاشر گردیزی،شاہد کاظمی و دیگر عمائدین کی قیادت میں مظاہرہ کیا گیا۔ ایک قرارداد میں دہشتگردی کی مذمت کرتے ہوئے انسداد دہشتگردی کی جنگ میں پاکستان کی بہادر افواج کیساتھ بھرپور اظہار یکجہتی کیا گیا۔ حکومت سے مطالبہ کیا گیا کہ کالعدم جماعتوں پرپابندی عائد کرے۔ 73ء کے آئین کی موجودگی میں کسی ایسے قانون کی ضرورت نہیں جس سے عصبیت کے دروازے کھلیں اور لاقانونیت و انتشار پھیلے۔