لاکھوں کی وارداتیں، کاریں، موٹرسائیکلیں چوری، فیروز والا میں ڈاکوؤں نے شہری کو گولی مار دی

لاہور؍ فیروز والہ (نامہ نگار) ڈاکوؤں اور چوروں نے متعدد شہریوں سے لاکھوں روپے مالیت کی نقدی، طلائی زیورات، موبائل فون، موٹر سائیکلیں، گاڑیاں اور دیگر سامان لوٹ لیا۔ تفصیلات کے مطابق ڈاکوؤں نے ڈیفنس کے علاقے میں عباس کے گھر میں گھس کر اہلخانہ کو یرغمال بنا کر6 لاکھ روپے مالیت کی نقدی، طلائی زیورات، موبائل فون اور دیگر سامان،ستوکتلہ کے علاقے میں احسن اور اس کی فیملی سے  4لاکھ 10ہز ار روپے مالیت کی نقدی،زیورات اور موبائل فون،مسلم ٹاؤن کے علاقے میں جنیدخان سے 1لاکھ 15ہز ارروپے اور موبائل فون ،ساندہ کے علاقے میں شاہد سے  40ہزار روپے اور موبائل فون،گجر پورہ میں یعقوب سے 35ہزار روپے اور موبائل فون ،باٹا پور کے علاقے میں پطرس سے 15ہزار روپے اور موبائل فون ،نصیر آباد کے علاقہ میں منصور سے19 ہزار روپے اور موبائل فون لوٹ لیا ۔چوروں نے جوہر ٹاؤن کے علاقے میں عدیل کے گھر سے7 لاکھ روپے مالیت کی نقدی، طلائی زیوارات اور دیگر گھریلو سامان چوری کرلیا  ساندہ، شادمان اور لیاقت آباد کے علاقوں میں سے 3 گاڑیاں جبکہ لاری اڈہ،مزنگ، مانگا منڈی ، شاہدرہ ٹاؤن ،سرور روڈ،لٹن روڈ اور لوئر مال کے علاقوں میں سے 7 موٹر سائیکلیں چوری کرلی گئیں۔ دریں اثناء فیروز والا کی آبادی رانا ٹاؤن میں چار ڈاکوؤں نے، انجم جٹ کے گھر داخل ہو کر  نقدی اور دو لائسنسی رائفل اور پستول  لوٹ لیا۔ ڈاکوؤں نے مزاحمت پر اسے گولیاں مار کر شدید زخمی کر دیا۔  کوٹ عبدالمالک کے قریب ڈاکووں نے شہزاد احمد اس کی بیوی کو روک کر لوٹ لیا۔  ڈاکوؤں نے شوروم کے ملازم عمرفاروق سے2لاکھ روپے نقدی، اسی تھانہ کے علاقہ شریف پارک  میں ڈاکوؤں نے علی رضا کریانہ سٹور کے ملازم سے 5لاکھ روپے چھین کرفرار ہو گئے، ڈاکوؤں نے موٹر سائیکل سواردو دوستو ں نعمان اور عدیل کو ڈاکووں نے دونوں نوجوانوں پر تشدد کیا چوروں نے تاجر اعجاز احمد کے گھر کے تالے توڑ کر  لاکھوں روپے کے زیورات نقدی اور دیگر قیمتی سامان چوری کر کے لے گئے چوروں نے تنویر کے گھر کے تالے توڑ کر ڈیڑھ لاکھ روپے نقدی،اڑھائی طلائی زیورات اور2موبائل  لے گئے۔