حضرو ، قطبہ موڑ سول آبادی میںخاوند کے ہاتھوں بیوی قتل، ملزم فرار

حضرو (نمائندہ نوائے وقت) حضرو کے علاقے قطبہ موڑ سول آبادی میں خاوند نے بیوی کو گولی مار دی خاتون موقع پر جاں بحق ملزم فرار ،تفصیلات کے مطابق پولیس ذرائع نے بتایا کہ کامرہ کینٹ سول آبادی قطبہ میں مسماۃ اعجازہ بی بی جو صوابی سے کامرہ قطبہ موڑ کسی کے ہاں ٹھہری تھی کو اسکے خاوند نے سر میں گولی مار دی جس سے اعجازہ بی بی زخموں کی تاب نہ لاتے ہوئے موقع پر ہی جاں بحق ہوگئی ملزم فائرنگ کے بعد جائے وقوعہ سے فرار ہوگیا پولیس چوکی ہٹیاں و تھانہ حضرو پولیس کی بھاری نفری جا ئے وقوعہ پر پہنچی اور جائے وقوعہ سے شواہد اکٹھے کرنے کے بعد نعش کو پوسٹمارٹم کیلئے تحصیل ہیڈ کواٹر ہسپتال حضرو منتقل کر دیا جبکہ پولیس نے جس گھر کے اندر وقوعہ پیش آیا وہاں موجود دو خواتین کوبھی شامل تفتیش کر کے مقدمہ درج کر کے ملزم کی گرفتاری کیلئے ٹیم تشکیل دے دی گئی ۔