راولپنڈی (نوائے وقت رپورٹ+ آئی این پی+ این این آئی)  آرمی چیف  جنرل راحیل شریف  سے ایساف کے سبکدوش کمانڈر جنرل جوزف ڈنفورڈ  نے  جی ایچ کیو راولپنڈی  میں ملاقات کی۔ آئی ایس پی آر  کے مطابق باہمی رابطوں  پر بھی تبادلہ خیال کیا گیا۔ دوطرفہ تعلقات، پاک افغان سرحدی معاملات اور افغانستان  میں الیکشن کے بعد کی صورتحال  پر بات چیت کی گئی۔ آرمی چیف نے سبکدوش کمانڈر کی افغانستان میں امن و استحکام کیلئے کوششوں کو سراہا۔ ڈنفورڈ نے دہشت گردی کے خاتمہ کیلئے پاکستانی قوم اور افواج کی قربانیوں کو سراہتے ہوئے کہا کہ پاکستان نے دہشت گردی کے خاتمہ کیلئے ناقابل فراموش قربانیاں دی ہیں۔