ہمارے لئے اللہ کافی ہے، عمران نے جو بویا ہے اُسے کاٹیں گے: مریم نواز

لاہور (آئی این پی) وزیراعظم نوازشریف کی صاحبزادی مریم نوازشریف  نے عمران خان اور طاہرالقادری کی دھمکیوں پر کہا ہے کہ ہمارے لئے اللہ ہی کافی ہے، وہی مدد کرنے والا ہے، عمران خان نے جو بویا ہے اُسے کاٹیں گے۔ پیر کی رات اپنے ٹوئٹر پیغام میں مریم نوازشریف نے ملک اور قوم کیلئے ہماری سوچ بالکل واضح ہے، مجھے پورا یقین ہے اللہ ہماری مدد کریگا۔ دھرنوں اور احتجاج سے پیدا کردہ حالات پر کہا کہ ان سے کوئی سبق حاصل کرنا چاہے تو اس میں اس کیلئے بہت کچھ ہے۔ مریم نواز نے اپنے ایک اور ٹوئیٹر میں پختونخواہ ملی عوامی پارٹی کے سربراہ محمود خان اچکزئی کے قومی اسمبلی میں اعلان ملک میں مارشل لاء  انکی نعش سے گزر کر ہی لگ سکتا ہے، پر انکو خراج تحسین پیش کرتے ہوئے کہا کہ انکل محمود اچکزئی مجھے آپ پر فخر ہے۔