سنسناٹی(آئی این پی)اسپین کے ڈیوڈ فیرر اور آسٹریا کے ڈومینک تھیم نے سنسناٹی اوپن ٹینس کے کوارٹر فائنل میں رسائی حاصل کر لی۔ فاتح کھلاڑی کل ناک آٹ مرحلے میں آپس میں ٹکرائیں گے۔ اسپین کے ڈیوڈ فیرر اورآسٹریا کے ڈومینک تھیم نے کوارٹر فائنل مرحلے کا ٹکٹ کٹوا لیا۔پہلے مقابلے میں ڈیوڈ فیرراور انہی کے ہم وطن پابلو کارینو کے درمیان جوڑ پڑا۔ فیرر نے باآسانی چھ چار، چھ چار سے میدان مارا۔دوسرے مقابلے میں ڈومینک تھیم اور فرانس کے ایڈریان مینننو آمنے سامنے ہوئے، دونوں کھلاڑیوں نے جیت کے لیے خوب جان ماری، تھیم نے شاندار پرفارمنس دکھاتے ہوئے سات چھ، سات چھ سے کامیابی سمیٹی۔