چالیسویں عالمی سالانہ حسینیہ کانفرنس آج راولپنڈی میں ہوگی

راولپنڈی (نیوزرپورٹر) مرکزی امام حسین کونسل کے زیر اہتمام چالیسویں عالمی سالانہ حسینیہ کانفرنس آج 19 ستمبر بروز ہفتہ اڑھائی بجے سہ پہر پرل کانٹینیٹل ہوٹل ،راولپنڈی میں ہوگی۔جس میں ملک بھر سے نامور علماء و مشائخ شرکت کریں گے۔ مرکزی امام حسین کونسل کی مجلس کاملہ کا اجلاس ڈاکٹر غضنفر مہدی کی زیر صدارت منعقد ہوا جس میں بتایا گیا کہ محرم الحرام سے قبل اتحاد امت کے لئے ایسے سیمینار کراچی ، ملتان، لاہور ، کوئٹہ، پشاور، سکردو، گلگت، فیصل آباد، جھنگ، سبی، خیرپور میرس، حیدر آباداور گوادر میں ہونگے۔