پیرس (نیٹ نیوز) فرانسیسی خاتون اول بریجیٹ میکرون نے پہلی بار اپنے اور شوہر کی عمر کے فرق کے بارے میں بات کی ہے۔ ان کا کہنا تھا کہ شوہر کو دیکھ کر عمر کے فرق کا احساس ہوتا ہے۔ فرانس کی خاتون اول بریجیٹ میکرون نے 25 سال چھوٹے شوہر سے متعلق پہلی بار کھل کر اظہار کیا ہے۔ ان کا کہنا ہے کہ جب بھی شوہر کی طرف دیکھتی ہوں عمر کے فرق کا احساس ہوتا ہے۔ میرے چہرے پر جھریاں جبکہ میکرون کے چہرے پر تازگی ہے۔ بریجیٹ نے مزید کہا کہ جب بھی اپنی لو سٹوری کے بارے میں پڑھا ایسے محسوس ہوا جیسے کسی اور کی کہانی ہے۔ فرانسیسیوں کی جانب سے خاتون اول کا اعزاز نہ دینے پر بریجیٹ نے کہا کہ اس سے انہیں کوئی پریشانی نہیں۔ بریجیٹ کی عمر 64 سال جبکہ ان کے شوہر ایمانوئل میکرون 39 سال کے ہیں۔