لاہور(کلچرل رپورٹر)ناموراداکارہ شبنم چودھری نئی پنجابی فلم میںاپنے فن کے جلوے دکھائیںگی۔ انہیں ایک سینئرہدایتکارنے اپنی نئی شروع ہونے والی فلم میںاداکاری کی پیشکش کی ہے ۔اداکارہ چند روزمیں فلم کی عکسبندی میںحصہ لیںگی۔ فلم کا نام ،فنکاروںاورتیکنیک کاروں کا تعارف افتتاحی تقریب میںکرایا جائے گا۔ شبنم چودھری کاکہنا تھاکہ مجھے فلموںکی آفرز ہوتی رہتی ہیں کیونکہ بے شمار پنجابی، پشتو اور اردو فلموں میں اپنے فن کے جوہر دکھا چکی ہوں۔میں گھریلو مصروفیات کے باعث کچھ عرصہ شوبزسے دوررہی لیکن تھیٹراورفلمی صنعت کوخیربادنہیںکہا۔ مجھے جب بھی معیاری کرداروں میں پیشکش ہوگی ضرورکام کروں گی۔انکا کہنا تھاکہ پشتو فلموں کا معیار بہت اچھا ہے۔ یہی وجہ ہے کہ فلمسٹارصائمہ، ثنائ، میرا، لیلیٰ اور دیگرپنجابی فلموں میں اداکاری کرنے والی بہت سی اداکارائیں پشتو فلموں میںجلوہ گر ہو چکی ہیں۔