لاہور(سپورٹس رپورٹر+نمائندہ سپورٹس )سابق فاسٹ باﺅلر شعیب اخترنے عمر اکمل مکی آرتھر تنازع کے حل کے لئے مشورے دے دئیے، ان کا کہنا ہے کہ امید ہے کہ عمر اکمل مکی آرتھر تنازع ٹھنڈے دماغ سے حل کیا جائے گا۔ پی سی بی کو چاہیے کہ دوستانہ ڈائیلاگ کو ترجیح دے،ہم سب ایک ٹیم کی طرح ہیں ، ہمیں متحد رہنا چاہیے۔انہو ں نے کہا کہ عمر اکمل کو چاہیے کہ وہ اپنے ناقدین کو فیلڈ میںجواب دیں۔شعیب اختر نے مزید کہا کہ دوستانہ ڈائیلاگ شوکاز نوٹس سے بہتر ہوتا ہے،امید ہے پی سی بی تحمل مزاجی کا مظاہرہ کرے گا۔