نئی دہلی (این این آئی)معروف بھارتی فلم ساز مہیش بھٹ نے عمران خان کو وزیر اعظم کے عہدے کا حلف لینے پر علامہ اقبال کا مشہور شعر پڑھ کر مبارکباد دی۔مہیش بھٹ نے سماجی رابطہ ویب سائٹ پر عمران خان کیلئے پیغام جاری کرتے شاعر مشرق علامہ اقبال کا شعر لکھا’’کھول آنکھ، زمیں دیکھ ،فضا دیکھ، فلک دیکھ ٗمشرق سے ابھرتے ہوئے سورج کو ذرا دیکھ‘‘ انہوں نے لکھا کہ پاکستانی قوم کی جانب سے ان کے ملک کا سنہری دور شروع ہو گیا ہے اور عمران اس دور کی عکاسی ہیں۔