مکہ معظمہ (صباح نیوز)سعودی فرمانروا اور خادم الحرمین الشریفین شاہ سلمان بن عبدالعزیز کی جانب سے اعزازی حج سکیم کے تحت فلسطین کے ایک ہزار عازمین سعودی عرب پہنچنے پز مکہ مکرمہ میں ان کا شاندار استقبال کیا گیا۔مرکز اطلاعات فلسطین کے مطابق سعودی عرب کی طرف سے شہدا و اسیران کے اہل خانہ کے ایک ہزار افراد کے لیے مفت حج کی سکیم کے تحت ایک ہزار مرد اور خواتین عازمین اردن اور مصر کے راستے سعودی عرب پہنچے جہاں سرکاری اعمال نے ان کا استقبال کیا۔