ژوب (آن لائن ) ژوب میں نامعلوم افراد نے گھر میں گھس کر فائرنگ کرکے بچے کو ہلاک جبکہ خاتون کو زخمی کردیا۔پولیس کے مطابق ژوب کے علاقے ریلوے کالونی میں رہائش پذیر سکول ٹیچر نصیب اللہ کے گھر میں گھس کر نامعلوم افراد نے فائرنگ کردی جس سے نصیب اللہ کا بیٹا وجاہت جاں بحق جبکہ اسکی اہلیہ شدیدزخمی ہوگئیں۔۔پولیس نے نعش اورزخمی کو ہسپتا ل پہنچادیا جہاں نعش ضروری کارروائی کے بعد ورثاء کے حوالے کردی گئی۔۔پولیس نے نامعلوم افراد کے خلاف مقدمہ درج کرکے مزید کارروائی شروع کردی۔