لاہور(سپورٹس رپورٹر) پاک ہیرو ہاکی کلب کی 55 ویں سالگرہ کی تقریب 25 اگست کو منعقد ہو گی۔ تقریب میں پاک ہیرو ہاکی کلب کے روح رواں مجید بھٹی کی لائف ٹائم اچیوومنٹ ایوارڈ سے نوازا جائے گا۔ جوہر ہاکی سٹیڈیم میں منعقد ہونے والی تقریب کے موقع پر دو نمائشی ہاکی میچ بھی کھیلے جائیں گے۔ پہلا میچ پاک ہیروز جونیئرز اور یونیک جونیئر ہاکی ٹیم کے درمیان ہوگا اور دوسرے میچ میں پاک ہیروز سینئر ٹیم کا مقابلہ چوڑکانہ ہاکی کلب سے ہوگا۔ 55 ویں سالگرہ کے موقع پر پاک ہیرو ہاکی کلب کے انٹرنیشنل اور نیشنل کھلاڑیوں میں بھی گولڈ تقسیم کیے جائیں گے۔ جس کی تمام تیاریاں مکمل کر لی گئی ہیں۔