فیروزوالہ(نامہ نگار) لاہور روڈ پر خانپور نہر کے قریب ٹریکٹر ٹرالی بے قابو ہو کر کھڑے مزداسے ٹکرا گئی جس سے مزداالٹ کر نالہ سیم میں جا گرا اس کے نیچے آکر محنت کش جاں بحق ہو گیا۔ بتایا گیا ہے کہ نور پور راجباہ کے قریب مزدا ڈرائیور اور کنڈیکٹر نالے کے ساتھ کھڑا کرکے اسے دھو رہے تھے کہ اس دوران پیچھے سے آنے والے تیز رفتار ٹریکٹر ٹرالی نے اسے ٹکر مار دی جس سے ڈالا الٹ کر نالے میں جا گرا جس کے نیچے آکر ایک شخص محمد اسلم جاںبحق ہو گیا۔پولیس نے متوفی کی نعش قبضہ میں لے کر لاش ورثاء کے حوالے کر دی۔ جی ٹی روڈ پر سڑک کی خرابی کے باعث رکشہ الٹ جانے سے تین افراد زخمی ہو گئے۔