نیوزی لینڈ ویمنز کا آئندہ ماہ دورہ انگلینڈ 

آکلینڈ(آئی این پی) نیوزی لینڈ کی خواتین کرکٹ ٹیم آئندہ ماہ دورہ انگلینڈ پر تین ٹی 20 اور پانچ ون ڈے انٹرنیشنل میچوں کی سیریز کھیلے گی۔ سیریز کے شیڈول کا اعلان کر دیا گیا ہے جس کے مطابق دونوں ٹیموں کے درمیان  ٹی 20 سیریز کا آغاز یکم ستمبر سے چیلمفورڈ میں ہوگا۔سیریز کا دوسرا ٹی 20 میچ 4 ستمبر کو ہوو جبکہ تیسرا اور آخری میچ 9 ستمبر کو ٹونیٹن میں کھیلا جائے گا۔ دونوں ٹیموں کے درمیان ون ڈے سیریز کا پہلا میچ 16 ستمبر کو برسٹول میں کھیلا جائے گا۔ دوسرا میچ 19 ستمبر کو ووسٹر، تیسرا میچ 21 ستمبرکو لیسٹر، چوتھا میچ 23 ستمبر کو ڈربی جبکہ پانچواں اور آخری میچ 26 ستمبر کو کانٹربری میں کھیلا جائے گا۔