وادی لیپہ،پاک فوج کے زیراہتمام کرکٹ میچ،نوجوانوں کااظہارتشکر

وادی لیپہ(نامہ نگار)وادی لیپہ کے سیاحتی مقام منڈاکلی بیلہ کے مقام پر پاک فوج کے زیر انتظام جشن آزادی پاکستان کی مناسبت سے کرکٹ میچ کا انعقاد کیا گیا جس کے مہمان خصوصی مقامی یونٹ کے  کمانڈنگ آفیسر تھے نوجوانوں کا کہنا تھا کہ پاک فوج کے اس اقدام سے نوجوانوں میں صحت مند سرگرمیوں اور مثبت سوچ اجاگر ہوتی ہے ہم پاک فوج کا شکریہ ادا کرتے ہیں جو اس طرح کی سرگرمیوں کا انعقاد کرتی رہتی ہے میچ کے دوران منڈاکلی بیلہ ملی نغموں سے گونجتا رہا اور نوجوانوں نے پاک فوج کے حق میں نعرے بازی کی میچ کی اختتامی تقریب میں مقامی عمائدین کی بھی بڑی تعداد نے شرکت کی اور پاک فوج کا شکریہ  ادا کیا۔  میچ کے اختتام پر مہمان خصوصی کی طرف سے کھلاڑیوں میں انعامات اور کیش پرائز تقسیم کیے گئے۔