ہمیں امام عالی مقام کے روشن کردار سے سبق لینا چاہئے، نزہت ناطق

راولپنڈی (جنرل رپورٹر)حلقہ خواتین جماعت اسلامی راولپنڈی سٹی کی ناظمہ نزہت ناطق نے کہا ہے کہ ہمیں امام عالی مقام کے روشن کردار اور اہل بیت کی عظیم قربانی سے اپنے لئے سبق حاصل کرنا چاہئے،ان پاکیزہ نفوس نے اپنی جانیں اس لئے قربان کیں تاکہ اسلام کے نظام حق کو بڑی تبدیلی سے روکا جا سکے کیونکہ انکی اعلی بصیرت اس تبدیلی کے دور رس اثرات دیکھ رہی تھی، گزشتہ روز اپنے بیان میں انہوں نے کہا کہ اسی تبدیلی کا خمیازہ بعد کے آنے والے تمام مسلمان آج تک بھگت رہے ہیں،اسلامی نظام جن بنیادوں پر نبوی دور میں استوار ہوا تھا اس کی حفاظت کے لئے پورا نبوی گھرانہ قربان ہوگیا۔