شیخوپورہ: نویں محرم کا علم تعزیہ شبیہ ذوالجناح کا ماتمی جلوس امام بارگاہ علی مسجد سے برآمدہوا

شیخوپورہ(نمائندہ خصوصی)نویں محرم کا علم تعزیہ شبیہ ذوالجناح کا ماتمی جلوس امام بارگاہ علی مسجد سے سید مقصود رضا شاہ ،سید اسد علی شاہ، سید مستنصر رضا شاہ ،سید چاند شاہ، سید معصوم شاہ کی قیادت میں برآمدہوا جو اپنے مقررہ راستوں سے ہوتا ہوا بیت الحزن میں پہنچ کر اختتام پذیرہوا اس موقع پر سینکڑوں عزاداران حسین نے زنجیر زنی ،ماتم وسینہ کوبی کی اس موقع پرخطاب کرتے سید مقصود رضا نقوی نے کہاکہ حضرت سیدنا امام حسین ؓ کی عظیم قربانی سے ہمیں اس بات کا درس ملتا ہے کہ ہم اسلام ودین کی ترویج واشاعت کیلئے اپنا تن ،من ،دھن قربان کرنے سے دریغ نہ کریں۔