رواں برس کیربیئن پریمیئرلیگ میں 9 پاکستانی کھلاڑی ایکشن میں ہوں گے

لاہور(سپورٹس رپورٹر) اس سال ہونے والی کیربیئن پریمیئر لیگ میں پاکستان کے 9 کھلاڑی ایکشن میں ہوں گے۔چھبیس اگست سے شروع ہونے والی سی پی ایل 2021 کیلئے ٹیموں کو حتمی شکل دیدی گئی ہے۔پاکستان کے حیدر علی جمیکا تھلاواز، وہاب ریاض اور عثمان قادر سینٹ لوشیا کنگز اور یاسر شاہ ٹرینباگو نائٹ رائیڈرز کی نمائندگی کریں گے۔جارح مزاج مڈل آرڈر بلے باز آصف علی سینٹ کٹس اینڈ نیوس پیٹریاٹس کے سکواڈ میں شامل ہیں جبکہ نوجوان اعظم خان اور فاسٹ بائولر محمد عامر بارباڈوس رائلز سے کھیلیں گے۔ آل راؤنڈرشعیب ملک اور محمد حفیظ گیانا ایمازون وارئیرز کی جانب سے سی پی ایل کھیلیں گے۔