مظفر آباد(نمائندہ  خصوصی)مرکزی جامع مسجد گلزار مدینہ برارکوٹ آزاد کشمیر میں دس روزہ محافل ذکرحسینیہ کاسلسلہ جاری۔ اس سلسلے کی مرکزی محفل آج شام بعد از نماز عشا منعقد ہوگی جس میں جید علما کرام فلسفہ کربلا پر روشنی ڈالیں گے۔ خطیب جامع مسجد کی طرف سے شرکت کی اپیل۔تفصیلات کے مطابق عشرہ محرم الحرام کے سلسلہ میں شہدا کربلا کو بالعموم اور امام عالی مقام حضرت امام حسین کی خدمت میں بالخصوص خراج عقیدت و ایصال ثواب پیش کرنے کے لئے نوجوانان اہلسنت برارکوٹ کے زیراہتمام  مرکزی جامع مسجد  گلزار مدینہ میں خطیب جامع مولانا محمد زمان سیفی کی زیرسرپرستی محافل ذکر حسین  کا سلسلہ جاری ہے۔
 اس سلسلے کی مرکزی محفل آج بعد از نماز عشا انعقاد پذیر ہوگی۔ جس میں دیگرعلما  ونعت خواں حضرات کے علاوہ نوجوان  مذہبی سکالر اور تحصیل مفتی باغ علامہ قاضی محمد فہد چشتی کاخصوصی خطاب ہوگا۔