خادمین حج و عمرہ کے نام سے سعود یہ کیلئے بھرتیوں کے اشتہارات جعلی ہیں:وزارت مذہبی امور 

اسلام آباد(نا مہ نگار)وزارت مذہبی امور نے متنبہ کیا ہے کہ خادمین حج اور خادمین عمرہ کے نام سے سعودی عرب کے لئے بھرتیوں کے اشتہارات جعلی ہیں وزارت کا اس سے کوئی تعلق نہیں ہے۔وزارت مذہبی امور کے ترجمان نے بتایا کہ سوشل میڈیا اور دیگر ذرائع ابلاغ پر خادمین عمرہ اور خادمین حج کے نام پر سعودی عرب کے لئے بھرتیوں کے اشتہارات چل رہے ہیں۔ وزارت مذہبی امور اس قسم کی بھرتیاں نہیں کرتی ، نہ ایسے عناصرسے کوئی تعلق ہے۔عوام الناس ایسے لوگوں کے دھوکے میں نہ آئیں۔ بصورت دیگر وزارت مذہبی امور ان کے کسی ایسے عمل کی ذمہ دار نہیں ہو گی۔