اسلام آباد(این این آئی)پاکستان میں کیمبرج انٹرنیشنل او لیول، آئی جی سی ایس ای اور آئی سی ای کے جون 2022 کے امتحانی نتائج جاری کردیے گئے۔کیمبرج انٹرنیشنل جو کیمبرج یونیورسٹی عالمی سطح پر 5 سے 19 سال کی عمر کے بچوں کے لیے بین الاقوامی تعلیم فراہم کرنے والا سب سے بڑا ادارہ ہے۔
کیمبرج کے مطابق دنیا بھر میں طلبا اور اساتذہ کے لیے یہ ایک اور مشکل سال رہا ہے، کچھ اب بھی لاک ڈاون سے متاثر ہیں اور زیادہ تر اب بھی وبائی امراض کے مختلف اثرات سے نمٹ رہے ہیں، آج کے نتائج کیمبرج کے طلبا کے لیے ان کی محنت اور کیمبرج کے اساتذہ کے لیے ان کے ناقابل یقین تعاون کے لیے ایک سچا ثبوت ہیں۔پاکستان میں جون 2022 کے امتحانی سلسلے میں اسکولوں کی جانب سے کیمبرج او لیول اور کیمبرج آئی جی سی ایس ای کے مضامین کے 200,000 سے زیادہ اندراج کیے گئے تھے، جس میں 628 اسکولوں سے تقریبا 56,000 طلبا امتحانات میں شریک ہوئے، طلبا نے سخت کووڈ 19معیاری آپریٹنگ طریقہ کار کے درمیان اپنے امتحانات دیے، جو انہیں محفوظ رکھنے کے لیے لاگو کیے گئے تھے۔اسلامیات، انگلش لینگویج اور پاکستان اسٹڈیز پاکستانی طلبا میں جون 2022 کے امتحانی سلسلے میں کیمبرج او لیول کے سب سے زیادہ مقبول مضامین تھے۔
نتائج جاری