کراچی میں رواں سیزن کی سب سے زیادہ بارش گلشن حدید میں ریکارڈ

کراچی ( نیوز رپورٹر)کراچی میں رواں سال مون سیزن کے 2 ماہ جولائی اور اگست میں اب تک سب سے زیادہ بارش 855 ملی میٹر ریکارڈ ہوئی ہے۔کراچی میں رواں سیزن کی یہ سب سے زیادہ 855 ملی میٹر بارش گلشنِ حدید میں ریکارڈ ہوئی ہے، جو 34 انچ کے لگ بھگ بنتی ہے۔محکمہ موسمیات کی رپورٹ کے مطابق گلشنِ حدید میں 587 ملی میٹر بارش جولائی کے مہینے میں ریکارڈ کی گئی جو کہ رواں ماہ اب تک 268 ملی میٹر ریکارڈ ہوئی ہے۔دوسرے نمبر پر اس دورانیے میں مسرور بیس کے علاقے میں 713 ملی میٹر بارش ریکارڈ کی گئی۔قائد آباد میں 669 ، ڈیفنس ہاوسنگ اتھارٹی میں 612، فیصل بیس کے اطراف 583، جناح ٹرمینل کے اطراف 379، یونیورسٹی روڈ پر 424، ناظم آباد میں 477، نارتھ کراچی میں 400، اورنگی ٹاون میں 425 ملی میٹر بارش ریکارڈ ہوئی ہے۔اسی طرح سعدی ٹائون میں 388، کیماڑی میں 437، گلشنِ معمار میں 323، گڈاپ ٹائون میں 351، سرجانی ٹائون میں 556، کورنگی میں 306 اور صدر ٹائون میں 445 ملی میٹر مجموعی بارش ریکارڈ کی گئی۔