لاہور (نوائے وقت رپورٹ) سابق وزیراعظم شہباز شریف نے کہا ہے کہ الیکشن میں مینڈیٹ ملا تو نواز شریف ہی وزیراعظم ہوں گے۔وزیراعظم شہباز شریف نے کہا کہ الیکشن ہر صورت اپنے مقررہ وقت پر ہوں گے اور مینڈیٹ ملا تو نواز شریف ہی وزیر اعظم بنیں گے، نواز شریف میرا لیڈر ہے اور میں ا±ن کا کارکن ہوں۔انہوں نے کہا کہ سیاست میں ضد سے نہیں بلکہ معاملات کو مذاکرات سے حل کرنے کی کوشش کرنی چاہیے،بطور وزیراعظم سب سے بڑی کامیابی یہ تھی کہ ملک کو ڈیفالٹ سے بچالیا۔شہباز شریف کا کہنا تھا کہ 16ماہ دن رات محنت کی کہ عوامی بھلائی کیلئے کچھ کرسکوں،فجر کی نماز پڑھ کر فارغ ہوا تو آئی ایم ایف کی ایم ڈی کی کال آگئی، کال تھی کہ پاکستان کے ساتھ معاہدہ بحال ہوگیا، یہ میرے لیے سب سے بڑی خوشی تھی۔سابق وزیراعظم نے مزید کہاکہ مختلف سیاسی جماعتوں سے الیکشن میں اتحاد ممکن ہے،مجھ پر تو سیاسی مقدمات بنے، سب کچھ برداشت کر لیا، بیٹی اور بھتیجی کو بھی عدالتوں اور جیلوں میں گھسیٹنا ناقابل برداشت تھا۔ان کا کہنا تھا کہ وزیراعظم ہاو¿س کے تمام اخراجات خود اپنی جیب سے ادا کیے۔ایک سوال کے جواب میں شہباز شریف نے کہا کہ کھانے میں دال روٹی بہت پسند ہے اور مجھے کھانا پکانا بالکل نہیں آتا، مجھے سوئمنگ کا شوق ہے اور ڈاکٹروں نے بھی یہی تجویز کیا ہے۔
شہباز شریف