امن و امان کیلئے ہائی سکیورٹی زون میں ناکوں پر لیڈیز پولیس تعینات

 اسلام آباد (اپنے سٹاف رپورٹر سے)کیپیٹل سٹی پولیس آفیسر ڈاکٹر اکبر ناصر خاں کے حکم پر اسلام آباد کیپیٹل پولیس نے امن و امان کی صورتحال کو برقرار رکھنے کے لئے ہائی سکیورٹی زون میں ناکوں پر لیڈیز پولیس تعینات کر دی یہ خواتین پولیس اہلکار مرد پولیس اہلکاروں کے شانہ بشانہ اپنی ڈیوٹی سر انجام دیں گی،ایس ایس پی سکیورٹی ڈویژن نے کہا کہ پولیس اور عوام کے درمیان قربت پیدا کرنا ایکتہذیب یافتہ معاشرے کی پہچان ہے ،وفاق میں امن وامان کے صورتحال کو برقرار رکھنے میں خواتین کا کردار انتہائی اہم ہے اسی لئے انہیں ان ڈیوٹیوں پر تعینات کیا گیا ہے،انہوں نے کہا کہ اسلام آباد کیپیٹل پولیس کسی بھی ناخوشگوار واقعہ سے نمٹنے کے لئے ہمہ وقت تیار ہے، شہریوں سے گزارش ہے کہ وہ ڈیوٹی پر مامور پولیس اہلکاروں کے ساتھ تعاون کریں۔