قومی کرکٹ ٹیم کے فاسٹ بائولر حسن علی لنکن پریمئیر لیگ میں انجری کا شکار

لاہور(سپورٹس رپورٹر) قومی کرکٹ ٹیم کے فاسٹ بائولر حسن علی لنکن پریمئیر لیگ میں انجری کا شکار ہوگئے۔لنکن پریمئیر لیگ میں ڈمبولا اورا کی نمائندگی کرنے والے قومی پیسر حسن علی بدقسمتی سے گال ٹائٹنز کیخلاف پلے آف میچ کے دوران انگلی کی انجری کا شکار ہوئے۔ حسن علی نے  انجری کی اطلاع دیتے ہوئے تصدیق کی کہ میچ کے دوران لگنے والی چوٹ کے بعد انکی سرجری ہوئی ہے۔ٹورنامنٹ کا اختتام میرے لیے اچھے انداز میں نہیں ہوا تاہم میں ایونٹ کے کچھ بہترین لمحات کو یاد کرنا چاہوں گا ۔