بھیڑیا، کتا یا چوپا کابرا؟ عجیب جانور نے ٹیکساس کے لوگوں کو حیران کردیا

امریکی ریاست ٹیکساس کے شہریوں کو عجیب نظر آنے والے جانور نے حیران کر دیا۔ ایک خاتون نے اپنے پڑوس میں کیمرے میں ایک پراسرار قسم کے جانور کی ویڈیو بنائی اور اس کی شناخت کے لیے لوگوں سے مدد مانگی۔ ٹینا کیلیگ نے کہا کہ اس نے ہل کنٹری میں اپنے گھر سے ایک عجیب و غریب جانور کی تصویر کھنچوائی ہے۔خاتون نے مقامی ٹی وی چینل سے گفتگو میں بتایا کہ وہ اپنے گھر کے اندر تھی جب اس نے باغ میں ایک عجیب آواز سنی۔ یہ ایک عجیب جانور تھا جو درختوں سے گرنے والے بیر کھا رہا تھا۔میڈیارپورٹس کے مطابق اس جانور کی تصاویر کی اشاعت کے بعد کچھ لوگوں نے قیاس کیا کہ یہ ایک چوپاکابرا ہے جو امریکیوں کے کچھ حصوں کی لوک داستانوں میں ایک افسانوی مخلوق ہے۔ اس کی مبینہ پہلی نظر پورٹو ریکو میں ریکارڈ کی گئی تھی۔ تاہم ہل کنٹری کے حکام نے اس جانور کی شناخت میں مدد کے لیے ٹیکساس وائلڈ لائف سروس سے رابطہ کیا ہے۔ سان انتونیو چڑیا گھر میں ممالیہ جانوروں کی ماہر ریچل مالسٹاف نے نے کہا کہ یہ جانور بھیڑیا یا کتا ہے جس میں خارش یا جلد کے دیگر مسائل ہیں۔