الفلاح فاؤنڈیشن کے زیراہتمام لاہور پریس کلب میں فری میڈیکل  کیمپ 

لاہور ( خصوصی نامہ نگار) سلسلہ نقشبندیہ اویسیہ کی ذیلی فلاحی تنظیم الفلاح فاؤنڈیشن پاکستان کے زیراہتمام لاہور پریس کلب میں فری میڈیکل کیمپ کا انعقاد ہوا۔ فری میڈیکل  کیمپ کا افتتاح سلسلہ نقشبندیہ اویسیہ کے مرکزی رہنما صاحبزادہ عبدالرقیب اعوان اور زاہد عابد سیکرٹری لاہور پریس کلب نے کیا۔ معزز ممبران پریس کلب اور ان کے اہل خانہ کی کثیر تعداد نے ایک روزہ فری میڈیکل کیمپ سے استفادہ کیا۔ میڈیکل کیمپ میں ماہر امراضِ نسواں، جنرل فزیشنز اور میڈیکل سپیشلسٹ، ای این ٹی سپیشلسٹ نے مریضوں کا فری چیک اپ کیا اور انھیں فری ادویات مہیا کی گئیں۔ فری شوگر ٹیسٹ، فری الٹرا ساؤنڈ اور فری دمہ کے ٹیسٹ اور دیگر ٹیسٹوں کی فری سہولت بھی موجود تھی۔