بزنس گروپ کاروباری حضرات کا حقیقی ترجمان ہے: رفاقت اللہ گجر

گوجرانوالہ(نمائندہ خصوصی)چیمبر الیکشن میں نجم اینڈ فیری،سی کے ڈی گروپس اور رفاقت اللہ گجر برادران نے بزنس گروپ کی جانب سے نامزد امیدوار برائے کارپوریٹ کلاس علی ہمایوں بٹ کی حمایت کا اعلان کر دیا ،اس موقع پر صنعتکاروں طارق بٹ، جاوید بٹ اور مستقیم بٹ بھی موجود تھے ،نجم اینڈ فیری گروپ نے علی ہمایوں بٹ اور بزنس گروپ کے امیدواروں کی مکمل حمایت کا اعلان کرتے ہوئے کہا  بزنس گروپ کاروباری حضرات کا حقیقی ترجمان ہے اس گروپ نے ہمیشہ حق اور سچ پر چلنے کی مثال قائم کی ہے، اسی وجہ سے چیمبر الیکشن میں بزنس گروپ شاندار کامیابی سے ہمکنار ہوگا ،سی کے ڈی گروپ کے چیف ایگزیکٹو چوہدری سہیل اختر نے بھی علی ہمایوں بٹ اور بزنس گروپ کے تما م عہدیداروں کی مکمل حمایت اور سپورٹ کا اعلان کرتے ہوئے کہا کہ بزنس گروپ نے ہمیشہ کاروباری برادی کو عزت سے نوازاہے اسی وجہ سے کاروباری برادری جوق در جوق بزنس گروپ میں شامل ہو رہی ہے۔