مسلم لیگ(ن) کمزور طبقات کی آواز ہے:سید سجاد حسین شاہ 

شیخوپورہ(نامہ نگارخصوصی)مسلم لیگ(ن) کے سینئررہنماوحلقہ پی پی 143 کے امیدوارسید سجاد حسین شاہ نے کہا ہے مسلم لیگ(ن)کمزورطبقات کی آواز ہے اور ملک میں جب بھی مسلم لیگ(ن)کی حکومت آئی پسے ہوئے طبقات کو ریلیف ملا ہے وزیراعلیٰ پنجاب نے مزدوروں کیلئے ہائوسنگ سکیم سمیت ان کے بچوں کو اعلیٰ تعلیم کی فراہمی کیلئے وظائف دینے کااعلان کیا ہے۔ای بائیکس، سولر سسٹم سمیت اس طرح کی دیگر سکیمیں مڈل کلاس طبقے کیلئے ہیں ملکی سطح کیساتھ ساتھ گراس روٹ لیول پر بھی عوامی حقوق کے تحفظ کیلئے عملی اقدامات اٹھائے جارہے ہیں۔ فخر شیخوپورہ رانا تنویر حسین کی قیادت میں بہت جلد بتی چوک شیخوپورہ کو دوبارہ اس کی اصل حالت میں کھولا جائیگا تاکہ عوام کو درپیش مسائل کا حل ممکن ہوسکے۔ اس موقع پر خادم حسین بھٹی ، سید حمزہ سجاد شاہ ایڈووکیٹ، سید عون سجاد شاہ سمیت دیگربھی موجودتھے ۔ حکومت مشکل معاشی حالات کے باوجود عوام کو ریلیف دینے کیلئے کوشاں ہے۔