لاہور (نامہ نگار) ڈاکوؤں اور چوروں نے چوری و ڈکیتی کی وارداتوں میں متعدد شہریوں سے لاکھوں روپے مالیت کی نقدی، طلائی زیورات، موبائل فون، موٹر سائیکلیں، گاڑیاں اور دیگر سامان لوٹ لیا۔ تفصیلات کے مطابق ڈاکوؤں نے ڈیفنس کے علاقے میں قاسم کے گھر میں گھس کر اہلخانہ کو یرغمال بنا کر 5 لاکھ 96 ہزار روپے مالیت کی نقدی، طلائی زیورات، موبائل فون اور دیگر سامان، گلشن اقبال کے علاقے میں جواد اور اس کی فیملی کو یرغمال بنا کر 4 لاکھ 10 ہزار روپے مالیت کی نقدی، طلائی زیورات اور موبائل فون، برکی میں ناصر سے 3لاکھ 30 ہزار روپے اور موبائل فون، شفیق آباد میں قیوم سے 2 لاکھ 10 ہزار روپے اور موبائل فون، مزنگ کے علاقے میں مظفر سے ایک لاکھ 20 ہزار روپے اور موبائل فون، گڑھی شاہو کے علاقے میں عدیل سے33 ہزار روپے اور موبائل فون، مغلپورہ کے علاقے میں اختر سے 24 ہزار روپے اور موبائل فون،گرین ٹاؤن کے علاقے میں احمد سے 12ہزار روپے اور موبائل فون لوٹ لیا۔ چوروں نے سندر کے علاقے میں کاشف کی دکان کے تالے توڑ کر ساڑھے 4 لاکھ روپے مالیت کی نقدی وسامان چوری کر لیا۔ چوروں نے گلبرگ ،ساندہ ،اقبال ٹاؤن  اور غازی آباد  کے علاقوں میں سے 4 کاریں جبکہ شفیق آباد، شادمان، قلعہ گجر سنگھ، کاہنہ، ساندہ، چوہنگ، ٹائون شپ، مزنگ، گجر سنگھ اور نواب ٹاؤن کے علاقوں میں سے 10  موٹر سائیکلیں چوری کر لیں۔