قائداعظم محمد علی جناحؒ کا ویژن کام کام اورصرف کام ہے:میڈم تسنیم

 شیخوپورہ(نمائندہ نوائے وقت)چیئرمین وائے این اے میڈم تسنیم نے ڈسٹرکٹ ہیڈ کوارٹر ہسپتال میں قائم نرسنگ سکول میں وائے این اے کے زیر اہتما م تقریب سے خطاب کرتے ہوئے کہا قائد اعظم محمد علی جناحؒ کا ویژن کام کام اور کام ہے اس فرمان کی روشنی میں ہمیں مریضوں کی خدمت و علاج معالجہ کی خاطر بھرپور کردار ادا کرنا ہوگا تاکہ فرض شناسی کی مثال رقم کی جاسکے۔تقریب کی صدارت پرنسپل آسیہ پروین نے کی، تقریب میں وائے این اے کی میڈیا کوآرڈینیٹر عابدہ پروین، فنانس سیکرٹری عذرا شہزادی، ڈمپل شازیہ جبین، ڈی ایم ایس شمع جاوید، ہیڈ نرس بشریٰ امیر، فریدہ بی بی اور وائے این اے عہدیداران و ارکان نے شرکت کی، اس موقع پر خطاب کرتے ہوئے پرنسپل آسیہ پروین نے کہا کہ آزاد وطن کا حصول قائد اعظم اور جملہ اکابرین تحریک آزادی کی شب و روز محنت کا ثمر اور علامہ اقبال کے خواب کی تکمیل ہے آزادی کی نعمت کے تحفظ کیلئے معاشرے میں باہمی تعاون اور خیر سگالی کو فروغ دینا ہوگا ۔