جرمنی: میوزک فیسٹیول کے دوران فیرس وہیل  میں آگ بھڑک اٹھی، 20 افراد زخمی 

برلن (نوائے وقت رپورٹ) جرمنی میں ایک میوزک فیسٹیول کے دوران فیرس وہیل میں آگ لگنے سے 20 سے زائد افراد زخمی ہو گئے۔لیپزگ شہر کے قریب ہائی فیلڈ فیسٹیول کی جاری تصاویر میں فیرس وہیل کی 2 بوگیوں میں لگی آگ دیکھی جاسکتی ہے۔ سیکسنی پولیس کے ایک بیان کے مطابق وہیل میں ہفتے کی رات 9 بجے کے فوراً بعد آگ لگ گئی، حادثے کی وجوہات تاحال نامعلوم ہیں۔