مردان (نامہ نگار) بونیر سے مردان جانے والی مسافروں سے بھری کوچ گہری کھائی میں گر گئی۔ حادثے کے نتیجے میں 4 مسافر جاں بحق جبکہ خواتین اور بچوں سمیت 15 زخمی ہو گئے۔ فلائنگ کوچ سنگاؤ پہاڑی پر بے قابو ہوئی۔ حادثے میں جاں بحق ہو نے والوں میں صالح زادہ، نصیب داد، نواز خان، صاحب زادہ شامل ہیں۔ جبکہ زخمیوں میں زیادہ تر کا تعلق بھی  ضلع بونیر سے ہے۔ لاشوں اور زخمیوں کو نکال کر کاٹلنگ ٹاپ ڈی ہسپتال منتقل کیا گیا جہاں ابتدائی طبی امداد کے بعد شدید زخمیوں کو مردان میڈیکل کمپلیکس ہسپتال منتقل کیا گیا۔ حادثے میں فلائنگ کوچ مکمل طور پر تباہ ہوگئی۔ ابتدائی اطلاعات کے مطابق حادثہ گاڑی کا بریک فیل ہونے سے پیش آیا۔