سندھ میں سیلاب کی وجہ سے غربت میں اضافہ ہوا: شرمیلافاروقی

 پاکستان پیپلز پارٹی کی رہنما و ایم این اے شرمیلا فاروقی نے کہا ہے کہ سندھ سب سے زیادہ سیلاب سے متاثر ہوا ہے ، سیلاب کی وجہ سے بھی غربت میں اضافہ ہوا ۔نجی ٹی وی سے گفتگو کرتے ہوئے انہوں نے کہا کہ دادو میں 45 بچیوں کی کم عمری میں شادی کی خبر کا وزیرِ اعلیٰ سندھ مراد علی شاہ نے نوٹس لیا ہے ، غربت کی وجہ سے بھی والدین بچیوں کی جلد شادی کر دیتے ہیں، سندھ سب سے زیادہ سیلاب سے متاثر ہوا ہے، سیلاب کی وجہ سے بھی غربت میں اضافہ ہوا ہے۔انہوںنے کہا کہ طبی سہولتیں سب سے بہترین سندھ میں ہیں، سندھ میں سب سے زیادہ ووٹ پیپلز پارٹی کو ملتے ہیں۔  شرمیلا فاروقی نے کہا کہ سندھ حکومت واحد حکومت ہے جس نے بڑھ چڑھ کر متاثرینِ سیلاب کے لیے کام کیا۔