ہرطرح کے امتیازی سلوک، ہراسگی کیخلاف کھڑے ہونگے، سی ای او کے الیکٹرک

 کراچی(این این آئی)چیف ایگزیکٹیو آفیسر کے الیکٹرک مونس علوی نے کہا ہے کہ ہرطرح کے امتیازی سلوک اور ہراسگی کے خلاف کھڑے ہوں گے۔کراچی کو بجلی فراہم کرنے والی کمپنی کے سی ای او مونس علوی نے کہا کہ توانائی کے شعبے میں کام کرنے والی باصلاحیت اور قابل خواتین پر فخر ہے، خواتین کی پیشہ ورانہ صلاحیت توانائی کے شعبے کو نئی منزل کی راہ دکھاتی ہیں۔مونس علوی نے کہا کہ ہماری ساتھی کی غیرموجودگی میں بعض افراد نے ریمارکس دیے، ایسے ریمارکس منتخب شخص کے شایان شان نہیں ہیں۔سی ای او کے الیکٹرک نے کہا کہ ایسے ریمارکس منتخب شخص کے اقدار سے مطابقت نہیں رکھتے ہیں، برابری کے اصولوں کو فروغ دینے اور متعصب رویوں کو توڑنے کے لیے کوشاں ہیں۔