انسانیت کی خدمت کو عبادت سمجھتی ہوں:وزیر اعلیٰ پنجاب

لاہور: وزیر اعلیٰ پنجاب مریم نواز نے کہا ہے کہ انسانیت کی خدمت ہمارا منشور اور نصب العین ہے۔وزیر اعلیٰ مریم نواز نے انسانیت کے عالمی دن پر پیغام دیتے ہوئے کہا کہ دنیا بھر میں انسانیت کے خدمت گاروں کو خراجِ تحسین پیش کرتی ہوں، انسانیت کی خدمت کاعظیم مقصد قوموں کو ترقی کی راہ پر گامزن کرتا ہے۔انہوں نے کہا کہ انسانوں کی خدمت میں مصروف تمام ریسکیورز، ڈاکٹرز، نرسز، امدادی کارکنان کو سلام پیش کرتی ہوں. انسانیت کی خدمت کو عبادت سمجھتی ہوں.عوام کی خدمت کے لئے تعلیم، صحت اور فلاحی منصوبے اولین ترجیح ہیں۔مریم نواز نے کہا کہ انسانیت کی خدمت ہمارا منشور اور نصب العین ہے. انسانیت کی خدمت کے لئے پاکستان کی پہلی ایئر ایمبولینس پراجیکٹ لانچ کیا ہے اور انسانیت کی خدمت کے عزم کو نبھاتے ہوئے اسپتال اور مراکز صحت کی اپ گریڈیشن شروع کی ہے۔انکا کہنا تھا کہ انسانیت کی خدمت ہی اولین ہے. فیلڈ اسپتال، کلینک آن ویلز اور مفت ادویات دہلیز پر پہنچائی جارہی ہیں، انسانیت کی خدمت کا مشن پورا کرنے کے لئے ریسکیو 1122 کو موٹرویز پر تعینات کیا جارہا ہے۔وزیر اعلیٰ پنجاب نے مزید کہا کہ ایسے معاشرے کی تشکیل چاہتے ہیں جہاں ہر انسان کو عزت و وقار کے ساتھ جینے کا حق حاصل ہو. انسانیت کے خدمت گار بنیں، جو مشکل میں ہو اسکی مدد کرنا ہمارا فرض بھی ہے اور ہماری روایت بھی، انسانیت کی خدمت سنت نبویﷺ اور اللہ تعالیٰ بھی راضی ہوتے ہیں۔