کراچی میں کارساز روڈ پر کار ڈرائیور خاتون کی تیز رفتار کار نے 6 افراد کو کچل دیا. جس کے نتیجے میں ایک خاتون سمیت 3 افراد ہلاک ہو گئے۔ریسکیو حکام کے مطابق کار راہگیروں کو کچلتے ہوئے کارساز کے قریب الٹ گئی واقعہ میں ایک خاتون سمیت 3 افراد ہلاک ہو گئے جبکہ 3 افراد شدید زخمی ہو گئے ہیں۔پولیس حکام کے مطابق حادثہ 32 سالہ نتاشہ نامی خاتون سے کار بے قابو ہو کر دیگر گاڑیوں اور موٹرسائیکلوں سے بھی ٹکرائی، جس سے دو بڑی گاڑیوں اور چار موٹرسائیکلوں کو نقصان پہنچا، حادثے کے بعد کار سوار خاتون نے گاڑی چھوڑ کر فرار ہونے کی کوشش کی۔لیکن کچھ فاصلے پر خاتون کو مشتعل شہریوں نے گھیرے میں لے لیا، مشتعل شہریوں سے خاتون کو بچانے کے لیے رینجرز اور پولیس کی بھاری نفری پہنچ گئی، پولیس نے گاڑی چلانے والی خاتون کو حراست میں لے لیا۔پولیس ذرائع کے مطابق زیرحراست خاتون کے ڈی اے اسکیم ون کی رہائشی ہے جو کارساز کے قریب سروس روڈ سے جا رہی تھی زیر حراست خاتون کے ابتدائی بیان کے مطابق گاڑی بے قابو ہوئی جو حادثے کا سبب بنی۔پولیس کا کہنا ہے کہ خاتون کا شوہر بھی تھانے پہنچ گیا ہے، زیر حراست خاتون معروف صنعتکار کی عزیزہے۔پولیس کا کہنا ہے کہ شدید زخمیوں کو جناح اسپتال منتقل کر دیا گیا ہے، حادثے کا مقدمہ درج کیا جائے گا اور مزید تفتیش جاری ہے۔