لاہور (سٹاف رپورٹر) ہاکی کی عالمی تنظیم ایف آئی ایچ نے سال دو ہزار دس کیلئے آل سٹار ٹیم کا اعلان کر دیا ہے۔ پاکستان کے ریحان بٹ بھی سال کے بہترین کھلاڑیوں پر مشتمل ٹیم میں منتخب ہوئے ہیں۔ ایف آئی نے سال دو ہزار میں فیلڈ ہاکی میں نمایاں کارکردگی کا مظاہرہ کرنے والے کھلاڑیوں پر مشتمل ٹیم کا اعلان کیا ہے۔ ٹیم میں پاکستان سے ایک ہی کھلاڑی ریحان بٹ کو شامل کیا گیا ہے، ریحان بٹ نے رواں سال ایشین گیمز میں پاکستان کو گولڈ میڈل دلوانے میں اہم کردار ادا کیا تھا۔ ریحان بٹ تین سو سے زائد انٹرنیشنل میچز میں پاکستان کی نمائندگی کر چکے ہیں۔ ریحان بٹ ان دنوں ملائشیا میں موجود ہیں۔ کوالالمپور سے گفتگو میں ریحان بٹ نے ایف آئی آل سٹار الیون میں شمولیت پر خوشی کا اظہار کیا اور کہا کہ یہ ان کیلئے ہی نہیں بلکہ پاکستان کیلئے ایک اعزاز ہے۔