سنوکر چیمپئن محمد آصف کو ملک ریاض کی طرف سے گاڑی کا تحفہ

اسلام آباد (سپورٹس رپورٹر) بحریہ ٹاﺅن کے سابق چیئرمین ملک ریاض نے عالمی سنوکر چیمپئن محمد آصف کو گاڑی کی چابی دے دی ملک ریاض کا کہنا تھا کہ محمد آصف اپنی چیمپئن شپ آئندہ سال بھی برقرار رکھے تو میں اسے گھر بھی دوں گا۔ تفصیلات کے مطابق ملک ریاض نے عالمی سنوکر چیمپئن محمد آصف کو عالمی چیمپئن بننے پر مبارکباد دیتے ہوئے ایک گاڑی اور نوکری دینے کا اعلان کیا تھا جس کے بعد ملک ریاض نے منگل کو محمد آصف کو گاڑی کی چابی دے دی۔ اس موقع پر میڈیا سے گفتگو کرتے ہوئے ملک ریاض نے کہا کہ محمد آصف نے پاکستان کا نام روشن کیا، میں بہت خوش ہوں محمد آصف نے اگر آئندہ بھی اپنی چیمپئن شپ برقرار رکھی تو انہیں گھر بھی دے دوں گا جبکہ عالمی چیمپئن محمد آصف نے ملک ریاض کا شکریہ ادا کرتے ہوئے کہا کہ میں ملک ریاض کا مشکور ہوں۔